الواد كبر

شعر/ جيهان النجار

وانا لسة فاكرة

*الطلق فيه كان ضرب نار والقلب مليان بالرضا ماسكة فى رحمة ربنا ومتبتة

دا أنا لسة فاكرة
وقعته من ع السرير والوم فى نفسي المجرمة
على بقعة حمرا كات فى خده معلمة

“آهين يااا قلبي لما قالوا دا لزمه دم
انا قولت ااااااااه دا هو دمي ماتشلوش
للدم هم انا له هبه

دا انالسه٠٠٠٠٠فاكرة
أول يوم له فى الدراسة كنت زى عسكري واقف حراسة
كانت عيني عليه خايفة جبانة كنت قاعدة
ع الرصيف
والساعة معاندة معانا
وكأني متكرهبه

فاكرة ملامحه فى النجاح . والدموع ويااا الدعاء والصلاة ع النبي وياااه حي على الكفاح
ناجح وواخد مرتبة

دا أنا لسة فاكرة حتة حتة بالملي فيه
لما كان بيترعش وانا بأحميه
بشويش يااااا ماما. الحقنة فى دراعي هنا
فاكرة كمان
خط أيده والكراسات والمقلمة

* ياااا. نهار٠٠ هنا
حبيت ياواد
انا مت ضحك ع اللمعة فى عينيه الكحيلة
انعس يا واد
دى البت ناصحة وعاملة عليك تقيلة

انا لسة فاكرة
يوم سبوعه
والزن على الرضعة فى جوعه
وخطوتي خطوة بخطوة ع البخور
وقلبي وهو بيتنفض
يوم الطهور
وفاكرة شطبه ع الحروف فوق السطور

فجاءة كده كبرتني
بتجهز يااا واد
وحتبقى أب
والله وميزان الفرح
هيطب طب
هتفضل فى عيني عمري واول فرحتي

غنوا. معايا غنوتي
الواد كبر